കന്നഡ കവിത

കല്ലിന്റെ ഹൃദയം
 എച് .എസ് . ശിവപ്രകാശ്
                                
കല്ലിന്റെ ഹൃദയങ്ങള്‍ക്കു മേല്‍                 

ബലിഷ്ഠ കരങ്ങളില്‍ നിന്നുള്ള 

അടികളുടെ തോരാമഴ;

ചുറ്റികയടികള്‍ക്കു പിറകെ 

ചുറ്റികയടികൾ
  
ഭൂമിയുടെ ഗര്‍ഭപാത്രത്തിലും

കുന്നുകളിലും മലകളിലും                                                           

കടലുകളുടെ മടിത്തട്ടിലും 

ഹൃദയങ്ങളുടെ നിശ്ശബ്ദതയിലും

പാവം കല്ലുകള്‍

ഹതാശരായി  

സ്വയം ഒളിപ്പിക്കുന്നത് 

ഇക്കാരണത്താലാണ്.

പക്ഷെ

അടികള്‍ക്കുമേല്‍

അടികള്‍ വീഴുമ്പോഴാണ് 

കല്ല്‌ ഹൃദയത്തെപ്പോലെ 

ലോലമാകുന്നത്.

ഹൃദയം കല്ലിനെപ്പോലെ 

കഠിനമാകുന്നത്. 

വിവ: തേര്‍ളി .എന്‍ . ശേഖര്‍

          ഫാസിൽ  

H.S.Sivaprakash's poem translated from Kannada by Therly.N.Shekhar and Fazil.